Ish-kryetarja e parlamentit, Jozefina Topalli, duket se nuk ka marrëdhënie aspak të mira me liderin aktual të PD, Lulzim Bashën.
Ajo e ka akuzuar atë së fundmi në lidhje me fondet e përdorura në fushatë.
Sipas Topallit Basha nuk është treguar transparent në lidhje me paratë që ka përdorur në fushatën e 25 qershorit.
Ai nuk ka komunikuar me forume të PD rreth vendimeve për lëvizjen e parave.
Topalli e akuzon Bashën se i ka marrë vendimet privatisht.
Sipas saj ai e ka për detyrë t’i shpjegojë demokratëve burimet e këtyre të ardhurave.
Topalli sulmon Bashën, ku i gjete paratë për fushatë…
Komenti i znj. Topalli:
“Të deklarohet burimi i të ardhurave për paratë që kanë kaluar në firma lobimi offshore. Nuk ka sqaruar asgjë. Basha ka shtuar konfuzionet dhe paqartësitë për kanalet në të cilat kanë kaluar paratë. PD nuk mund të mbajë kosto tjetër dhe akuza kur flasin për para në offshore.
Një gjë është themelore, ai duhet të sqarojë, ai ia ka borxh PD-së të sarojë. Ai ka lëvizur para, në atë kohë që kam qenë në grup parlamentar. Por në kryesinë e PD nuk ka pasur vendim për këtë gjë.
Vendimet për lëvizjen e parave nuk janë marrë si vendime të forumeve të Partisë Demokratike. Janë vendime private të z.Basha. Ndryshe i paraqet shifrat në deklaratë dhe ndryshe thotë Lulzim Basha, për para që nuk ua dimë burimin, nuk ua dimë kanalet”
Për lajm-shqip:
Klajdi Thaçi
12.03.2018
