Një vrasje me çifte nga pakujdesia ka ndodhur sot në mesditë në Zall Herr të Tiranës, ku viktimë ka qenë një i ri.
Policia zbardhi sot pasdite ngjarjen duke bërë të ditur se shtetasi, Bedri Dani, 23 vjeç, u vra nga pakujdesia.
Të dhënat nga policia bënë të ditur se, ngjarja ka ndodhur në Zall Herr dhe se në raportimet paraprake u raportua për një vetëvrasje me armë zjarri çifte.
“Por pas hetimeve më të detajuara në komisariatin nr 5 dhe drejtoria e policisë Tiranë, u zbulua se kishim të bënim me një vrasje nga pakujdesia e shkaktuar nga shtetasi Naim Dani, djali i xhaxhait të viktimës”, njoftoi policia.
Ndërkohë vijojnë hetimet për zbardhjen e rrethanave të në cilat ndodhi ngjarja.
19.11.2012
Burimi: Gazeta Shekulli
