64-vjeçari Begalla, sapo ka dalë nga shtëpia, në zonën e ish-Bllokut, në Tiranë. Begalla, u qëllua me një plumb në kokë. Kjo, i ka shkaktuar atij vdekjen e menjëhershme.
Një ditë pas ngjarjes së rëndë ndodhur në Tiranë kanë dalë në dritë detaje të reja dhe pistat nga vrasja e biznesmenit 64-vjeçar, Memli Begalla.
Atentatorët mësohet se e kanë pritur viktimën në sheshin e pallatit, ku teksa ai është drejtuar për të marrë makinën, e kanë qëlluar me armë, që besohet se ka qenë me silenciator, pasi banorët nuk kanë dëgjuar krisma.
Pasi kanë kryer vrasjen, hetuesit dyshojnë se ata janë larguar nga vendi i ngjarjes duke përdorur një makinë tip ‘BMW’.
64-vjeçari ishte pronar i disa bizneseve të ndryshme. Ndërsa në dhjetor të 2009, ai ishte arrestuar nga policia italiane bashkë me djalin e tij, pasi kishte marrë me dhunë vajzën që ndodhej në Zvicër për ta sjellë në Shqipëri.
www.lajm-shqip.com
