Shpërndanin drogë në afërsi të shkollave, në Tiranë, arrestohen tre persona. Policia e Tiranës, i ka dhënë një goditje tjetër të fortë, një grupi trafikantësh. Grupi kishte zgjedhur shkollat në kryeqytet që të shisnin drogë.
Shpërndanin drogë në afërsi të shkollave, në Tiranë, arrestohen tre persona!
Një tjetër grup që shpërndante lëndë narkotike, pranë shkollave në Tiranë, është shkatëruar nga policia. Tre të rinj, njëri prej tyre 19 vjeç, akuzohen se në bashkëpunim me njeri tjetrin, kryenin aktivitet të kundraligjshëm të shitjes së lëndëve narkotike. Grupi i trafikantëve, shiste “Cannabis Sattiva”, kryesisht pranë shkollave 9 vjeçare në zonën e “21 Dhjetorit”.
Në njoftimin e policisë thuhet se: Shtetasit Gentian Kurti, në momentin e ndalimit nga shërbimet e Policisë, i janë gjetur dhe sekuestruar në cilësinë e provës materiale 10 cope qese farmaceutike. Qeset përmbanin, bimë narkotike të llojit “Canabis Sativa”, gati për t’u hedhur në treg. Gjithashtu në banesën, që kishin marrë me qira, janë arrestuar shtetasit Marko Bano, dhe Xhulio Koprencka. Ndërsa këta të fundit, merrëshin me pergatitjen e kësaj lënde narkotike, të cilën e ndanin në doza. Në banesë është gjetur dhe sekuestruar, në cilësine e provës materiale, dhe 801 gram bimë e narkotike të llojit “Canabis Sativa “si dhe një peshore elektronike.
Për lajm-shqip:
Leonard Xhelili
