Muzikanti i famshëm botëror Elvin Hoxha (Ganiev) ka arritur majat në skenat e mëdha botërore. Ai sonte ka performuar për herë të parë në Shkodër. Qytetin e tij të origjinës. Ai ka magjepsur publikun që e ka ndjekur në Teatrin Migjeni.
Për 30 minuta violinisti 20 vjeçar, pjesëtari i një familje të njohur shkodrane, ka performuar një koncert të Mendelssohn në Mi Minor për violinë e orkestër.
Gjatë gjithë kohës së performimit të Elvinit, salla nuk ka pipëtirë. Në mbarim janë ngritur në këmbë dhe kanë duartrokitur për 10 minuta.
Në koncert ka performuar edhe tenori Frano Lufi.
I gjithë koncerti është shoqëruar nga Orkestra e Radio Televizionit Shqiptar. Dirigjent ishte Norman Widjaja. Megjithëse ka performuar në skena nga më prestigjoze të mbarë botës nga Perëndimi në Lindje, Ervini ka pasur emocion dhe impresion të veçantë sonte në Shkodër. Për herë të parë do të tregonte talentin e tij, në qytetin të cilit i takon dhe është pjesë e një familje të njohur qytetare dhe intelektuale, pjesë e elitës shkodrane.
Por edhe pse muzika e Elvinit i përket një niveli dhe audience specifike, publiku shkodran e ka pritur me shumë interes koncertin instrumental të “Paganinit shkodran” .
Padyshim, kurioziteti në fillim, por në fund ka qenë talenti i veçantë i Elvin Hoxhës që ka bërë për vete publikun artëdashës së Shkodrës. Teatrin “Migjeni” isht mbushur si kurrë më parë për një koncert të një muzike instrumentale.
Për Lajm Shqip
Ylli Pata
