Terror në Kaliforni, qëllon në lokalin ku ndodheshin 200 persona, 12 të vrarë…Një person në Kaliforni ka qëlluar me armë zjarri në një bar të mbushur plot me njerëz. Të paktën 12 persona u vranë mes të cilëve edhe një oficer policie. Policia bëri me dije se edhe i dyshuari gjithashtu ka vdekur. Të paktën katër ambulanca mbërritën në vendin e ngjarjes. Të shtënat filluan rreth orës lokale 23:20 të mërkuën në Borderline Bar and Grill rreth 65 kilometra në veri-perëndim të Los Anxhelos. Gjatë kohës kur ndodhi aksidenti mesohet se brenda në bar kanë qenë të paktën 200 persona.
Terror në Kaliforni, qëllon në lokalin ku ndodheshin 200 persona, 12 të vrarë…
“Mund t’ju them se ka shumë viktima, plagosje të shumta dhe një nga ata është edhe një polic që shkoi në vendngjarje, si edhe personi që qëlloi me armë,”-tha policia, ndërsa shtoi se numri i të lënduarve pritet që të rritet. Afërsisht 30 të shtëna janë dëgjuar, tha një burim për Russia Today. Dëshmitarët thanë se i armatosuri qëlloi fillimisht rojën në derën e barit, hodhi bomba tymuese brenda më pas filloi të qëllonte me armë. Ata përdorën karrige për të thyer dritaret e për të dalë jashtë ambienteve të lokalit, ndërsa të tjerë vrapuan në drejtim të tualeteve. Raportet thonë se i dyshuari mund të ketë përdorur granata tymi dhe të paktën një armë, e përshkruar si një pistolë gjysmë-automatike nga dëshmitarët, gjatë sulmit. Autoritetet po hetojnë për të zbuluar akoma më shumë për ngjarjen ku humbën jetën 12 persona
Erjona Keta
08.11.2018
