Temperaturat e ulëta/ OBSH: 29 fëmijë dhe foshnjë kanë vdekur nga i ftohti në Siri…
I ftohti që ka përfshirë Sirinë ka sjellë vdekjen e 29 fëmijëve dhe të porsalindurve, në një kamp në verilindje të vendit.
Rreth 23.000 njerëz që ikin nga lufta në Deir al-Zor, mes Shtetit Islamik dhe Aleancës së Forcave Demokratike Siriane të mbështetura nga SHBA, kanë arritur në kampin al-Hol kohët e fundit duke shtuar popullsinë aty.
Përfaqësuesja e Organizatës Botërore të Shëndetësisë, Elizabeth Hoff tha se situata në kampin Al-Hol të copëton shpirtin.
“Fëmijët po vdesin nga hipotermia ndërsa familjet e tyre shpërngulen për të qenë më të sigurt”, u shpreh ajo.
Në kamp, janë më shumë se 33.000 mijë njerëz, shumica e të cilëve gra e fëmijë.
Agjencia e Kombeve të Bashkuara tha se shumë të shpërngulur ecën për ditë të tëra ose udhëtuan me kamionë dhe mbërritën në kamp.
Ata u detyruan të kalojnë disa net në zonën e pritjes, në qiell të hapur pa tenda, batanije apo ngrohje.
Erjona Keta
01.02.2019
