Pas publikimit që kryeministri Rama ka bërë në adresën e tij në facebook ku njoftoi se të gjitha bizneset, përfshirë edhe biznesi i vogël do të paguajnë TVSH, një lum komentesh e kritikash kanë vërshuar drejtë tij.
Pas akuzës së Ramës për opozitën, se ajo po i bëhet krah informalitetit dhe premtimit të kryeministrit se qeveria është në mbrojtje të njerëzve të zakonshëm, një sërë reagimesh kanë ardhur duke e kundërshtuar këtë vendim.
Qytetarët ankohen dhe e akuzojnë se po i fundos nga dita në ditë dhe se nuk duhet të votonin qeverinë e tij .
“Ti mor shok na fute ne dhè fare…kam nje bar kafe e kshu si i ke bere punet ti me taksat,sigurimet i ngrite te gjitha tani i fute e tvsh biznesit te vogel e hajt ti vejm çelsin lokalit…po nuk me thua, çfare te bej tjeter?!lakra e pras ti nuk le te shes ne rruge…hajdut e vrases nuk behem dot…atehere cte bej?!”- i shkruan nje komentues.
“Voto Partine Socialiste, bej gropen vetes, voto qe te ngelesh pa shtepi, pa pune, pa buke, po keta nje lloj jane”, shkruan një tjetër komentues
“Cnjerez te zakonshem mbron ti O kryeminister , njerzit e zakonshem po i torturonim eliten e droges dhe eliten ekonomike po e trajton sic ‘duhet’ Bravo”, shkruan po ashtu një tjetër komentues.
Opinion.al ka shkëputur disa prej tyre nga faqja e kryeministrit
Burimi:Opinion.al
6/10/2017
