Taksitë e Tiranës përmes Sindikatës së tyre kanë dalë në protestë, sot, kundër vendimeve arbitrare, të kryetarit të Bashkisë së Tiranës, Erion Veliaj.
Taksitë po protestojnë për çmimin e taksimetrave apo vitin e prodhimit të taksive që duhet të jenë në qarkullim.
Përmes një njoftimi sindikata u ka bërë thirrje të gjithë drejtuesve të taksive por edhe qytetarëve t’i bashkohen kësaj proteste. Ata akuzojnë Veliajn se favorizon miqtë dhe klientët e tij.
“Sot jemi përballë faktit. Kryetari i Bashkisë së Tiranës favorizon miqtë e tij. Ai ul çmimin e taksimetrit adhe ndryshon vitin e prodhimit pa marrë miratimin tonë apo të Ministrisë së Infrastrukturës dhe Energjisë. Drejtuesit sot janë, nesër nuk janë. Na tregon neve t’i tregojmë se ne kemi qenë dhe këtu do të jemi. Nuk kërkojmë të na falenderojë askush për shërbimin që ofrojmë. Por as nuk lejojmë asnjë këpucë të shkelë mbi ne.”- thuhet në deklaratën e Sindikatës Shqiptare të Taksive.
