Vladimir Putin ka vizituar një fermë bujqësore ku tha se nëse do të humbasë zgjedhjet e ardhshme, mund të zgjedhë të bëhet fermer.
Presidenti rus i bëri komentet vijoi fushatën në Rostov.
“Do të nis të punoj si kombajnier pas 18 marsit”, citon Putinin, Russia Today.
Por, Vladimir Putin nuk duhet të brengoset.
Vitin e kaluar, ai u bë lideri me qëndrimin më të gjatë në Kremlin që nga Joseph Stalin.
Kandidimin për një mandat të ardhshëm e bëri publik që në muajin dhjetor. Ndërkohë që sondazhet tregojnë se ai nuk ka një opozitë të fuqishme.
Të dhënat e fundit nga VTsIOM thonë që 69.9 për qind të rusëve do të votojnë për Putinin në zgjedhjet e muajit mars.
Po sipas të dhënave, Pavel Grudinin nga Partia Komuniste ka një përkrahje prej 16 për qind.
Kritiku më i njohur i Putinit, Alexei Navalny, i është ndaluar gara për shkak të një borxhi të pa paguar ndaj shtetit.
www.lajm-shqip.com
