Kjo është një nga grabitjet më spektakolare të viteve të fundit.
Disa persona kanë arritur që të thyejnë një galeri arti në Roterdam të Holandës dhe kanë marrë prej aty shtatë piktura të njohur. Mes tyre punime të Pablo Picasso, Henri Matisse, Paul Gauguin, Claude Monet, Lucian Freud dhe Meyer de Haan.
Vlera totale e pikturave të vjedhura nuk dihet ende.
Ngjarja ka ndodhur rreth orës 2:00 ose 3:00 të mëngjesit të së martës.
Policia thotë se grabitja kishte kohë që planifikohej. Alarmi ishte shuar dhe kur policët hynë në galeri, hajdutët ishin zhdukur.
Policia thotë se po merr pamjet e kamerave të sigurisë për të parë nëse do gjejë prova.
Galeria e artit në Roterdam është ndërtuar nga arkitekti Rem Koolhaas. Ajo nuk ka një koleksion të sajin, por çdo vit organizon rreth 25 ekspozita.
Për momentin aty po ekspozoheshin veprat më të rëndësishme dhe më me ndikim të autorëve duke nisur nga fundi i shekullit të 19-të deri më sot.
Pikturat ishin pjesë e fondacionit Triton.
16.10.2012
Burimi: Gazeta Tema
