Finalizohet me sukses operacioni i koduar “DIEZEL 6”. Arrestohen në flagrancë nga Policia, tre roje të një Shoqërie Private të Ruajtjes e Sigurisë Fizike. Burime thonë se punonjësit kanë shpërdoruar detyrën. Ata dyshohet se kanë vjedhur karburant në mjetet e gazsjellësit “TAP”.
Super aksion, vidhnin naftë, arrestohen rojet privatë…
Procedohen penalisht edhe dy shtetas të tjerë për veprën : “Përvetësimi i parave ose mallrave që rrjedhin nga vepra penale”. Policia ka sekuestruar një sasi prej 1500 litra naftë.
U arrestua në flagrancë Kastriot Gurra, 50 vjeç, banues në fshatin Backë-Skrapar.
Sandri Tërpollari, 32 vjeç, banues në fshatin Ravonik-Korçë.
Sali Tërpollari, 60 vjeç, banues në fshatin Backë-Skrapar.
Mësohet se këta shtetas në bashkëpunim midis tyre kanë vjedhur 1500 litra naftë, duke qenë të tre me detyrë roje pranë një Shoqërie të Gazsjellësit TAP kanë shpërdoruar detyrën. Ngjarja ka ndodhur në vendin e quajtur ”Qafa e Martës” në fshatin Shtyllë.
Autorët kanë vjedhur një sasi prej 1500 litra karburant nga mjetet e rënda që kishin në ruajtje. Në vijim të hetimeve lidhur me këtë rast filloi procedimi penal në gjendje të lirë edhe ndaj dy shtetasve.
Konkretisht u procedua L.H, 43 vjeç, si edhe E.D, 22 vjeç. Të dy banues në fshatin Belorta-Korçë . Dyshohet se këta shtetas kanë blerë këtë sasi nafte të dyshuar si të vjedhur nga tre rojet. Në cilësinë e provës materiale u gjetën dhe sekuestruan 1500 litra naftë.
Nafta u gjet në mjetet tip “Nissan Navara” me targa AA 642 IO , dhe në mjeti tip “Benz” me targa AA 146 SA, si edhe 30.000 lekë .
Për Lajm-shqip
Ledjona Xheladinaj
