Studimi: Laptopët gjatë mësimit reduktojnë eficencën te studentët
A përdorni një laptop apo tablet gjatë orës së leksioneve?
Një pjesë e mirë e juaja me siguri do të përgjigjet ‘po’.
Nëse është kështu, atëherë ju sugjerojmë që të ktheheni mbrapsht te letra dhe stilolapsi, shkruan aitc.org.al.
Studimi
Një studim së fundmi, ka treguar se përdorimi i këtyre pajisjeve teknologjike, ul përqëndrimin dhe aftësinë e studentit për të mësuar.
Disa profesorë në Universitetin Princeton, zhvilluan një sondazh gjatë të cilit një grup studentësh i ruajti shënimet në laps e letër, e grupi tjetër në laptop apo tablet.
Nga eksperimenti rezultoi se studentët që përdorën një laptop nuk e kuptuan leksionin aq mirë sa ata që mbajtën shënime me shkrim dore.
Për më tepër, këto pajisje reduktojnë përqëndrimin e atyre që i përdorin, por edhe personave të tjerë pranë tyre.
Këto janë prova të pakontestueshme që tregojnë se ‘tradicionalja nuk del kurrë nga moda’, shkruan aitc.org.al.
Të shkruarit me dorë rrit aftësitë e memories, përqëndrimin dhe kreativitetin.
28.11.2017
