Nëse bashkëpunëtorët apo kolegët ju ngrejnë nervat më shumë se çdo gjë tjetër, ju nuk jeni të vetëm në këtë situatë. Një studim nga Instituti Amerikan i Stesit gjeti se pikërisht dinamikat e ekipit ndikojnë drejtpërdrejt më shumë se 90% të asaj që na streson në punë.
Me zhvillimin e kushteve teknologjike, dhe kushteve të jetesës ne vihemi nën presione të mëdha duke rritur kështu nivelin e stresit. Por stresi ne vetvete është term që i referohet shumës së situatave fizike, mendore, tensioneve dhe emocioneve mbi një person.
Dhe në mënyrë specifike stresi i një punonjësi është reagim psikologjik i ngjarjeve që janë perceptuar të jenë kërcenuese. Por ne duhet të dimë të menaxhojmë këto situata që shkaktojnë stres. Duhet të mbajmë nën kontroll shkallën e stresimit në të cilën ndodhemi dhe ndikimin drejt zvogëlimit të tij.
Por a mundemi ta krijojmë këtë balancë dhe a mund të mbajmë situatën nën kontroll?
Stresi në punë, kolegët e tmerrshëm ua vështirësojnë ditën …
Stresi në punë, kolegët e tmerrshëm ua vështirësojnë ditën …
Pakënaqësitë dhe mosmarrëveshjet marrin kaq shumë energji nga mendja dhe trupi ynë. Një në katër persona thanë se do të donin të ulërinin për këtë stres që u shkaktohet në punë. Mbingarkesa në punë, problemet e njerëzve dhe paaftësia jonë për të balancuar jetën tonë profesionale me atë personale janë ndër tre faktorët kryesorë të stresit.
Pse bashkëpunëtorët e kolegët ju stresojnë aq shumë?
Stresi që na shkaktojnë kolegët futet nën lëkurën tonë . Kjo sepse na kujton që nuk kemi kontroll dhe autonomi në profesionin tonë. Ju nuk mund ta bëni një koleg dembel të punojë më shumë apo të ndalni lëkundjet e humorit të drejtuesit tuaj. Kur nuk mundemi të kemi kontroll në punë, ndihemi të pafuqishëm. Kjo për rrjedhojë shkakton stres.
“Rritja e nivelit të stresit në punë, të vlerësuara nga perceptimi i të pasurit pak kontroll, por shumë kërkesë, kanë demonstruar se janë të lidhura me një frekuencë më të madhe të infarktit, hipertensionit dhe shqetësime të tjera”, – thuhet me shqetësim në raportin e Institutit Amerikan të Stresit.
Stresi në punë, kolegët e tmerrshëm ua vështirësojnë ditën …
Në “Happy Brain: Where Happiness Comes From”, Dean Burnett shkruan se ndjesia e kontrollit dhe aftësisë janë dy faktorët kryesorë që ju bëjnë të ndiheni të lumtur në punë.
“Profesionet që ju privojnë nga autonomia me politika/rregulla strikte (kodi i veshjes, mikromenaxhimi etj.) dhe ju bëjnë vazhdimisht të vëmendshëm ndaj të tjerëve janë të pakëndshme dhe burim stresi”, shkruan ai.
