Pas pak orësh do të ngrejë zyrtarisht sipasrin edicioni i 63-të i Festivalit të Sanremos, që do të zgjasë 5 netë me radhë deri të shtunën, kur është finalja. Këtë vit, gara e këngës italiane, e cila ndiqet prej dekadash edhe në Shqipëri, do të prezantohet nga Fabio Fazio dhe komikja Luciana Littizzetto. Risia e vërtetë e këtij edicioni është fakti që këngëtarët “Big” do të prezantohen me nga dy këngë secili, mirëpo vetëm njëra do të vazhdojë garën dhe kjo do të zgjidhet nga votimet e publikut, si dhe nga juria e shtypit.Në natën e parë do të zbresin 7 “big”, sipas këtij rendi: Marco Mengoni, Raphael Gualazzi, Daniele Silvestri, Simona Milonari con Peter Cincotti, Marta sui tubi, Maria Nazionale e Chiara Galiazzo.
Ndërkohë që për të deklaruar këngën që do të kualifikohet, pritet të ngjiten në skenë disa të ftuar të veçantë, si Marco Alemanno, partneri i Lucio Dallas; prezantuesja Ilaria D’Amico, aktorja Valeria Bilello, tenistja Flavia Pennetta, prezantueset Cristina e Benedetta Parodi, ish-futbollisti Vincenzo Montella dhe lojtar i vaterpolit, Stefano Tempesti. Kurse natën e dytë do të këndojnë Modà, Malika Ayane, Simone Cristicchi, Almamegretta, Max Gazzè, Annalisa dhe Elio e le storie tese.
Përsa i takon të ftuarve VIP, që edhe do të bëjnë ekzibicion në skenën e “Ariston”, sonte do të jetë radha e Maurizio Crozaa, komikut të njohur për imitimin e disa personazheve të famshëm të politikës dhe televizionit italian. Kurse nesër, e gjithë vëmendja do të jetë e përqendruar te Carla Bruni, e cila do të lançojë albumin e saj më të fundit, por mbi të gjitha pritet me kërshëri supermodelja Bar Refaeli.
12.02.2013
Burimi: Ikub.al