Kriza në politikë nuk ka gjetur akoma zgjidhje midis dy fronteve kryesore të politikës.
E ftuar në emisionin “Opinion”, ministrja e Shtetit për Marrëdhëniet me Parlamentin, Elisa Spiropali tha se qeveria i ka shtrirë dorën e bashkëpunimit opozitës për të kaluar krizën.

Ajo akuzoi kreun demokrat Lulzim Basha se po mundohet t’ja hedh mbi shpinë shqiptarëve krizën që ka mbi shpinë e tij.
Ajo tha se opozita nuk është një pronë me tapi por një mënyrë për të gjetur alternativë qeverisëse.
Përsa i përket funksionimit të Parlamentit pa opozitën Spiropali deklaroi se puna do vazhdojë me reformën që kanë mbështetur ndërkombëtarët.

“Ne do vazhdojmë të punojmë me reformat që janë mbështetur nga ndërkombëtarë, do vazhdojmë me Reformën në Drejtësi që është një nga modelet në rajon që është edhe arsyeja pse jemi prishur më opozitën”, tha Spiropali.

Ndërsa për blerjen e votave ajo tha se do të hetohen.
“Do hetojmë. Çështja e vjedhjes së votave që janë çështje sporadike do hetojë prokuroria”, tha Spiropali.

Për lajm-shqip:

Visar Quni

28.02.2019