Në kulmin e një fushate anti-Soros në qarqet ballkanike politike, djali i multimiliarderit amerikan vjen në Beograd. Soros josh romët. Ai ofron miliarda për universitet dhe futje në politikë.
Miliarda për universitet dhe futje në politikë. Me këto Soros josh romët.
Numri dy i Fondacionit për Shoqëri të Hapur është takuar me Aleksandër Vuçin në Beograd. Siç bën të ditur B92, Alexandër Soros me adashin e tij serb kanë folur mbi një projekt gjigand që Fondacioni për Shoqërinë e Hapur ka ndërmarrë në Serbi për të ndihmuar popullsinë rome.
B92 duke ju referuar presidencës serbe thekson se Soros shprehu gatishmërinë për mbështetje më të madhe për reformat, forcimin e kapaciteteve të institucioneve shtetërore dhe forcimin e proceseve demokratike në Serbi. Ai shtoi se Fondacioni për Shoqëri të Hapur është gati për të ndihmuar sa më shumë që mundet në përmirësimin e pozitës së Romëve e Serbisë, të cilët do të kontribuonin shumë në pjesëmarrjen e tyre më të madhe në jetën publike.
Fondacionet e Shoqërisë së Hapur pritet që të hapin në Beograd një universitet për romët. Do të shkollojnë njerëzit e kësaj popullsie me bursa të ndryshme. Vuciç falënderoi Soros për pranimin e mbajtjes së Samitit botëror të romëve në Beograd, në vitin 2020.
Për Lajm-Shqip:
Ylli Pata
