Ndodh si zanatçinjtë, që shajnë punën e njëri-tjetrit. Kështu edhe në Belsh. Socialistët e rinj kanë filluar të kritikojnë rrugët, që u shtruan në qeverisjen Berisha.
Të ngjashme mund të lexoni:
Realisht vazhdon puna me ritme të shpejta në aksin rrugor Cërrik-Belsh.
Aks rrugor ky, që nuk kishte njohur rikonstruksion e asfalt që nga regjimi i kaluar. Ndërkohë, gërmimet kanë nisur edhe në disa rrugë të shtruara, që lidhin gjithë fshatrat e zonës së Dumresë në Belsh. Për hir të së vërtetës duhet thëne, se kjo zonë, për herë të parë njohu asfaltin në gjithë rrugët e saj me çakëll. Por ja, dalin sot ca djem e vajza të reja, që rrugët e kësaj zone i etiketojnë “asfalti elektoral”!
Ka nisur gërmimi i rrugës në segmentin Belsh- Marinëz, dhe sipas eurosocialistëv, “zbulohet arsyeja pse asfalti elektoral, u prish përpara se të shtrohet”! Gërmimi, që po kryhet, sipas militantëve me moshë të re, nuk zbuloi asnjë gjurmë çakulli apo zhavorri. Por vetëm një shtresë asfalti totalisht jashtë çdo standarti. Ndoshta kjo mund të jetë e vërtetë.
Por a është kështu në qindra kilometra asfalt, që përshkojnë rrugët e kësaj zone? Madje, për herë të parë, Belshi u lidh me rrugë të asfaltuar me qytetin e Lushnjës. Në këto radhë vëzhgimore nuk bëjmë as prokurorin e as avokatin. Për një qëndrim luajal mund të thuhet se, e zeza është e zezë, por ama, e bardha mbetet e bardhë.
Për Lajm Shqip
Alfrida Danushi
