Skënderbeu nuk gjen dot fitoren e parë në testet miqësore të luajtura në Antalia.
Kjo pasi edhe takimi i tretë për të besuarit e Ilir Dajës mbyllet në barazim 1-1.
Gjithësesi pavarësisht kësaj, ka qënë një ndeshje e dominuar nga Skëndërbeu takimi i djeshëm në Antalias.
Korçarët kanë diktuar ndeshjen në pjesën më të madhe të lojës por nuk kanë arritur të jenë konkret para portës së kundërshtarit duke shpërdoruar shumë.
Numri një i pankinës korçare zgjedh të hedhë në fushë formacionin më të mirë të mundshëm që nga minuta e parë duke përsëritur kështu Skënderbeun e kampionatit.
Në anën tjetër ekipi rumun zgjedh të kundërtën. Një miksim lojtarësh si në pjesën e parë ashtu edhe në të dytën. Loja do të niste menjëherë mirë për Skënderbeun.
Rastin e parë të artë do ta kishte Xhejms i cili del përballë portierit por finalizimi është për t’u harruar.
Minutat vazhdojnë dhe Skëndërbeu është kërcënues i cili do të mbyllë pjesën e parë në avantazh pas shumë rasteve të humbura .
Me rezultatin 1-0 Skënderbeu shkon në pushimin e lojës. Ndërsa pjesa e dytë nis me ndrrime të shumta për Dajën duke e mbyllur në barazim ndeshjen mes Skënderbeut dhe rumunëve të Vitorul në shifrat 1-1.
Bardhekuqtë pas tre ndeshjesh e shohin veten me një barazim dhe dy humbje. Ndërsa testi i fundit miqësor mbetet ai kundër Aktobes në datën 18 janar.
Për Lajm-shqip
Ledjona Xheladinaj
