Avdiol Dobi, përfaqësuesi i firmës “Dunwell Haberman”, që ka fituar tenderin 18 milionë eurosh për Lotin 1 të Unazës së Re, ka qenë pjesë e stafit elektoral të Gjiknurit. Kjo është njëra anë e këtij skandali.
Skandali tenderit të Unazës së re, arratiset miku i Damian Gjiknuri, përfaqësuesi i firmës falsifikuese
Ana tjetër ka të bëjë me faktin se Avdiol Dobi është arratisur nga Shqipëria, pas plasjes së skandalit.
Si përfaqësues i “Dunwell Haberman” në Shqipëri, Avdiol Dobi është pronari i DH Albania.
Mbrëmjen e kaluar, në emisionin “Të Paekspozuarit” në televizionin “News 24”, u publikuan dokumentet që hedhin hije të forta dyshimi mbi tenderin e zhvilluar.
Fituesi për realizimin e një prej 3 pjesëve të rrugës (loteve), është bashkimi mes kompanisë shqiptare Biba X dhe kompanisë DH Albania. Kjo e fundit e regjistruar në muajin korrik të këtij viti, pak përpara se të hapej tender.
Sipas dokumenteve të bërë publik, kompania DH Albania është degë e kompanisë Dunwell Haberman. Themeluar në shtetin Delawere të Shteteve të Bashkuara të Amerikës në qershor të vitit 1998. Për këtë ajo ka depozituar në QKB, një letër nga Sekretari i Shtetit të Delaweare, Jeffrey Bullock. Aty vërteton aktivitetin e saj në këtë shtet dhe po ashtu dhe datën e themelimit 20 vjet më parë.
Majlinda Dumi
07.12.2018
