Ja cilat janë 7 skandalet më të mëdha të personazheve të njohura që i tronditën të gjithë.
Nuk është gjithmonë e lehtë të jesh personazh publik. Jeta personale është e para që shënjestrohet nga vëmendja mediatike, dhe jo vetëm.
Nuk mund të themi se skandalet e VIP-ave shqiptarë kanë qenë të shumta, por disa prej tyre erdhën shumë bujshëm në sytë e publikut.
7 skandalet më të mëdha të personazheve të njohura që tronditën publikun
Përfshirja e partnerëve të disa prej vajzave të ekranit në veprimtari kriminale, por edhe publikimi i imazheve apo videove intime të disa prej personazheve janë ato çka kanë lënë gjurmë ndër vite.
Ne ju sjellim rastet që morën më jehonë nga çdo herë tjetër, e me siguri shumë prej tyre nuk i keni harruar ende!
Liljana Kondakçi:
Një ndër artistet më të njohura të periudhës së parademokracisë, bëri bujë për publikun në 201-tën, kohë kur u arrestua në Selanik të Greqisë, për llogari të autoriteteve italiane.
Këto të fundit kishin shpallur dënimin me burg për këngëtaren, nën akuzën e shpërndarjes së lëndëve narkotike.
Historia kishte nisur që në vitin 2006, kur Kondakçi u ndalua nga po të njëjta autoritete, pasi u kap me tre kilogramë kokainë në çantë.
Asokohe, ajo u shfajësua se nuk e dinte se çfarë përmbante pako, pasi ishte dhuratë nga një fans.
Artistja kreu vitet e caktuara të dënimit, edhe pse gjithmonë e ka justifikuar situatën si ‘e zënë në kurth pa patur asnjë dijeni mbi çështjen’.
Inis Gjoni:
Viti 2004 e gjeti Inis Gjonin në një situatë aspak të këndshme, pasi në çdo pajisje celular të asokohe po qarkullonte një video e saj intime.
Ajo shihej së bashku me Arjan Selimin, ish-bashkëshortin që ndërroi jetë pak vite më parë.
Përpos skenave të nxehta, u dallua dhe përdorimi i kokainës nga ana e Inisit gjatë xhirimit.
Vitin që lamë pas, Inisi ngriti një padi ku kërkonte 200 mijë euro shpërblim nga Prokuroria.
Sipas akuzës së saj, video ishte shpërndarë në kohën kur celulari i Selimit ishte i sekuestruar nga ky institucion si provë materiale, për llogari të hetimit të dosjes ‘Kompas’.
Nga ana tjetër, partneri i ndjerë i Gjonit ishte vazhdimisht në proçese gjyqësore, si një ndër të pandehurit e përfshirë në rrjetin e dorgës, akuzë për të cilën kreu edhe disa vite burg.
Në 2011, ai u ekzekutua me pesë plumba, në oborrin e pallatit.
Rozana Radi:
Nuk pati diçka më të jashtëzakonshme seç jemi mësuar të shohim normalisht.
Në vitin 2011, qarkulluan disa foto të Rozana Radit, ku shihej krejtësisht e zhveshur në pjesën e sipërme të trupit.
Më gjoksin e zbuluar, shtrirë buzë bregut në një mbrëmje vere, Radi bëri bujë për pozat e publikuara asokohe.
Këngëtarja akuzoi Rezarta Shkurtën për publikimin e të tilla imazheve.
Koleget mes tyre janë në një ‘armiqësi’ që vështirë të shndërrohet në një marrëdhënie normale.
Rozana nuk e quajti skandaloze situatën, madje theksoi se miqtë e kishin përgëzuar për gjoksin e sapobërë.
Këta të fundit madje, kishin qenë shoqëruesit e Radit atë natë, ku mes tyre dalloi edhe emri i Sinan Hoxhës.
Zaimina Vasjari:
Zaiminën e kemi parë shpesh me poza provokuese, madje vështirë të themi se nuk është cilësuar ndonjëherë si femër seksi.
Pothuajse gjithmonë e veshur me disa rroba më pak, Vasjari u zu ngushtë pak kohë më parë, me publikimin e një video në Instagram.
Edhe pse e publikuar në vetëm tre minuta, klipi i fshirë tregonte këngëtaren teksa tundte vithet përpara kamerës.
Veshur me mbathje, Zaimina nuk kishte patur aspak për qëllim postimin e videos.
E deri në momentin që kishte arritur ta fshinte, koha kishte qenë e mjaftueshme që disa fansa e portale të shkëpusnin disa imazhe.
Më vonë, ajo pranoi publikisht se ishte ndjerë e turpëruar nga një incident i tillë, dhe se bashkëshorti i saj nuk e kishte marrë fort me sportivitet.
Adelina Ismaili/Arta Bajrami:
Në vitin 2016, bashkëshorti i Arta Bajramit, Xhemajl Sekiraqa, u vu në pranga nën akuzën e armëmbajtjes pa leje.
Përpos kësaj, ai ishte shpallur në kërkim nga Interpoli, si i dyshuar kryesor për një vjedhje ari në Kuvajt.
E kjo nuk është e gjitha, pasi mbiemri Sekiraqa lidhet me personin e dyshuar për vrasjen e Triumf Rizait, ish i dashuri i Adelina Ismailit.
Enver Sekiraqa, i cili është i lidhur familjarisht me bashkëshortin e Arta Bajramit, u akuzua nga vetë Ismaili për vdekjen e Rizait.
Enveri i kishte kërkuar këngëtares 9000 euro borxh para ngjarjes, shumë që ajo nuk ia kishte plotësuar.
Ish i dashuri i Adelinës ushtronte detyrën e policit në Kosovë, ndërsa ndiqte çështjet e familjes të lartpërmendur.
Albërie Hadërgjonaj:
Albërie Hadërgjonaj ishte e martuar prej vitesh me Mentor Hadërgjonaj, i cili kreu plot shtatë vite burg, nën akuzën e përfshirjes në akte kriminale.
Sipas policisë, emri i tij i vërtetë është Xhevdet, ndërsa rezulton i kërkuar edhe nga autoritetet gjermane, nën akuzën e pranimit të sendeve të vjedhura, trafik armësh etj.
Këto të fundit dyshohet se janë bërë shkak i ndërrimit të emrit, ndërsa Albëria i qëndroi pranë edhe pas përfundimit të viteve në burg.
Më pas, çifti u divorcua, ndërsa këngëtarja deklaroi: “…do ta dua gjithmonë, por ai është shumë problematik.”
Viola Spiro:
Nuk ishte një romancë që e njihnin të gjithë.
Deri kur gazetat italiane u mbushën me lajme lidhur me arrestimin e Valentin Selajn.
Ai u cilësua si ‘Zoti i drogës’.
Në fotot e publikuara nga La Nazione, shihej edhe Viola Spiro, ku shpjegohej dhe roli i kësaj të fundit në jetën e Valentinit.
Spiro ishte e përfshirë në një lidhje dashurie prej disa kohësh me Selaj, edhe pse gjithçka u zyrtarizua pas arrestimit të tij.
Moderatorja nuk ka patur ende asnjë reagim publik lidhur me ngjarjen.
Duket se po vazhdon jetën normalisht, duke lënë pas gjithçka dëgjuam në përfundim të 2017-tës.
www.lajm-shqip.com
