Siçili: Dy shqiptarë dhe një italian kapen me 45 kg drogë
Dy shqiptarë dhe një italian kanë përfunduar në pranga nga ana e policisë italiane.
Ata janë akuzuar për transport dhe posedim me qëllim shitjen, të një sasie marijuane prej 45 kilogramësh. Të arrestuarit janë 42-vjeçari Viktor Dalipaj, 36-vjeçari Arsen Hoxha dhe 40-vjeçari italian Giuseppe Russo. Pas hetimeve të kryera mbi informacione të marra në rrugë operative, skuadra e policisë ka kapur shtetasin italian. Ai ishte duke drejtuar një autoveturë Mercedes Class A, ngjyrë gri.
Italiani sapo kishte hyrë në Siçili me një ngarkesë lëndësh narkotike.
Në vijim të kontrolleve të nevojshme, forcat blu të ndihmuar edhe nga agjentë të Antidrogës ngritën një shërbim mbikëqyrjeje. Ata pikasën menjëherë italianin Russo, i cili paraprihej nga një automjet tip BMW, me ngjyrë blu metalizzato, me dy persona në bord. Në brendësi të Mercedesit u gjetën të fshehura në ndarjen e pasme 10 pako të mbështjella me celofan, ku fshihej marijuana me peshë rreth 45 kg.
12.12.2017
