Ndjehesh gjithmonë i lodhur dhe s’ndalon së hapuri gojën? Ndoshta nuk fle sa duhet, ose ndoshta fle në mënyrë të tepruar. Në të dyja rastet po gabon. Zbulo se për sa orë gjumë ke vërtet nevojë. Si? Duke ndjekur këto hapa:
1.Edukoje gjumin tënd. Nëse fle keq, vështirë se mund të llogarisësh sesa orë kalon duke fjetur. Për të bërë testin, duhet të flesh në mënyrë korrekte. Kjo do të thotë edhe të flesh në një kohë të shkurtër pas vajtjes në shtrat dhe të mos zgjohesh gjatë natës. Për mënyrën sesi të flesh duhet të ndjekësh rregullat bazë si më poshtë.
2.Fiki të gjitha dritat dhe mundohu ta bësh sa më errësirë, pasi ky është një përbërës i rëndësishëm për një fjetje të mirë.
3.Në orët pëpërpara gjumit mos konsumo ushqim dhe mos bëj aktivitet fizik. As mos konsumo shumë lëngje në orët e fundit të ditës. Gjithashtu janë të ndaluar edhe pijet alkoolike dhe kafeina, ose pije që mund të ndikojnë në gjumin tuaj.
4.Në kohën që je në shtrat, mos e bëj zakon të lexosh, shohësh televizor, të qëndrosh në kompjuter, apo të dëgjosh muzikë. Çlodhu dhe mëso të çlirosh mendjen nga mendimet dhe shqetësimet e përditshme.
5.Kërko informacione në lidhje me orët e këshilluara të gjumit për një njeri të moshës dhe gjinisë tënde. Gjumi, sipas kategorive të moshës dhe gjendjes shëndetësore, duhet bërë kështu:
-Të sapolindurit:14 deri 15 orë në ditë
-Fëmijët 12 deri 14 orë në ditë.
-Adoleshentët: 10 deri 11 orë në ditë
-Të rriturit: 7 deri 9 orë në ditë
-Gratë shtatzëna mund të kenë nevojë për orë gjumi “ekstra”
-Të moshuarit kanë nevojë për të njëjtat orë të një të rrituri, por për shkak të zgjimeve të shumta gjatë natës, mund të kenë nevojë edhe për ‘pushime’ të vogla gjatë ditës.
-Njerëzit në deficit gjui kanë nevojë për të fjetur “X” orë për të rikuperuar një gjendje shëndetësore optimale.
6.Po ti për sa orë ke nevojë vërtetë? Verifikoje me një nga këto dy metoda:
Metoda 1
-Imponoji vetes zgjimin gjithmonë në të njëjtën orë çdo mëngjes dhe që askush të mos të zgjojë para apo prapa orarit të caktuar.
-Ngrihu nga shtrati, sapo të fillojë të bie alarmi e mos e shtyj aspak për më vonë zgjimin.
-Sapo të ndjehesh i lodhur shko në shtrat. Mos e zgjat shumë qëndrimi zgjuar, nëse të vjen gjumi. Pas rreth dy javësh në të cilat do të zgjohesh gjithmonë në të njëjtën orë, trupi yt do të jetë në gjendje të caktojë orët e gjumit për të cilat ke nevojë. Pra, do ta “komunikojë” trupi se kur ndihet i lodhur e kur duhet të rinisësh aktivitetin.
Metoda 2
-Zgjidh një orar të përshtatshëm, për të vajtur në shtrat dhe që të japë mundësinë të pushosh në mënyrë të pandërprerë për 9 orë me radhë.
-Mos përdor alarmin. Nëse duhet të zgjohesh në 9:00 për të shkuar në punë, atëherë shko flij që në 23:00-24:00. Në këtë mënyrë do të kesh në dispozicion 10 orë gjumë dhe do të zgjohesh në mënyrë natyrale përpara orës 9:00.
-Vërej ecurinë e gjumit tënd dhe shpejt do të kuptosh se në mëngjes do të çohesh gjithmonë në të njëjtën orë. Tani mund të llogaritësh orët e gjumit për të cilat ke nevojë, me lehtësi ekstreme. Për shembull, nëse shkon në shtrat në 23:00 dhe zgjohesh pa sforco në 7:00, atëherë ke nevojë të flesh 8 orë.
06.05.2013
Burimi: ikub.al