Shitje masive gjelash dhe pulash deti për festat e fundvitit në qytetin e Fierit.
“Hajde kaposh per festë” gumëzhin qyteti.
Në periferi, kryqëzim rrugësh madje dhe para prefekturës dhe teatrit “Bylis”, gjelat dhe pulat e detit pushtojnë sot trotuaret.
Shitje masive gjelash dhe pulash deti
Shitësit janë kryesisht nga fshatrat e Fierit. Masive janë dhe blerjet nga qytetarët. Kampion në shitje për numër krerësh janë zonat e ullirit.
Kullotat nga vijnë gjelat janë të ushqyer me lëndë bio. Cilësia e mishit nuk kursen as çmimet e kripura që ofrojnë shitësit.
Në këtë bum shitjesh nuk mungojnë dhe hileqarët. Ka fshatarë që shesin duke joshur blerësit me origjinën bio.
Por në fakt janë të rritur dhe ushqyer me mënyra artificiale. Blerësit ngelet ta provojnë natën e vitit të ri cilësinë, ndërkohë që kanë marrë garancinë nga pronari i gjelit.
Një “usta” i mirë shitës, falë zhdëvjelltësisë së të komunikarit, në shkallët e jashtme të teatrit shiti jo pak, por 13 kaposha për një orë.
Tre blerës ishin aktorët e mirënjohur të tetarit.
Klajdi Marku,Fatmir Xhelili dhe Miola Sitaj.
Aktorëve më shumë u pëlqeu aktrimi i demostruar nga shitësi sesa cilësia e gjelit…
Për Lajm Shqip
Vladimir Muçaj
