E trishtë mënyra se si ka gjetur vdekjen një shqiptar në Itali. Ai quhet Nikolin Gjeka i cili jetonte në Pistoia. Sipas mediave italiane, ai është zënë poshtë nga një pemë. 50-vjeçari Gjeka nuk e kishte bërë mirë llogarinë se ku do të binte pema që sapo kishte prerë dhe ajo i ra në kokë, duke i shkaktuar dëmtime të shumta që i morën jetën. Shqiptari u gjet rreth orës 6 të mëngjesit të të martës në një pyll mes Campiglio dhe Celo, në rrugën Vecchia di Campiglio. Pavarësisht përpjekjeve të mjekëve për ta kthyer në jetë babain e dy fëmijëve, ai nuk ja ka dalë dot të jetojë, pasi goditja nga pema ka rezultuar fatale. Ky ka qenë fundi tragjik i 50-vjeçarit shqiptar, që ka lënë mbrapa gruan dhe dy fëmijët.
Shqiptari vdes tragjikisht nga një pemë, llogaritë nuk i dolën sipas planit …
Mediat fqinje shkruajnë se Gjeka kishte dalë pasditen e djeshme për të marrë dru në pyll, së bashku me veglat e punës.
Në kohën që nuk ishte kthyer në shtëpi në darkë, e shoqja ishte vënë në alarm dhe kishte lajmëruar karabinierët të cilët e kërkuan gjatë natës në zonën ku kishte shkuar. Gjeka i cili punonte edhe si kopshtar, la pas bashkëshorten dhe dy fëmijë.
Për lajm-shqip:
Jorida Fataj
