Shqiptarët të dytët në botë për marrjen e nënshtetësisë nga vende të BE…
Shqiptarët përveçse po kërkojnë të largohen nga vendi, gjithashtu janë duke luftuar të bëhen qytetarë me të drejta të plota të Bashkimit Europian.
Janë duke e arritur këtë qëllim më së miri krahasuar me qytetarët e shumë vendeve të tjera të tjera të botës të cilat kanë popullsi edhe më të madhe se ne.
Sipas të dhënave të publikuara sot nga Eurostat, shqiptarët zënë vendin e dytë në botë pas marokenëvë sa i takon marrjes së nënshtetësisë nga vende anëtare të BE-së gjatë vitit 2016.
67.500 shqiptarë kanë marrë shtetësi në një nga vendet e Bashkimit Europian në vitin 2016.
Shqiptarët të dytët në botë për marrjen e nënshtetësisë nga vende të BE…
97% e tyre kanë marrë nënshtetësi Italiane ose Greke.
Në Itali shqiptarët zënë vendin e parë pasi kanë marrë 18.3 % të pasaportave që jepen për të huajt. Në vendin e dytë janë marokenët me 17.5 % dhe në vend të tretë rumunët me 6.4 %.
Sipas të dhënave të Eurostat rreth 995.000 persona kanë marrë nënshtetësi nga një prej vendeve anëtare të BE-së në vitin 2016.
Në dy vitet e mëparshme kjo shifër ishte më e ulët.
Në vitin 2015- 841.000 qytetarë kishin marrë nënshtetësinë nga një prej vendeve të BE-së, ndërsa në vitin 2014- 889.000 qytetarë.
Grupi më i madh që fiton shtetësinë në një shtet anëtar të BE gjatë vitit 2016 ishin shtetasit e Marokut (101, 300 persona, 89% prej të cilëve kanë marrë shtetësinë e Spanjës, Italisë ose Francës), duke u renditur përpara qytetarëve të Shqipërisë (me 67,500), India me 41,700, më shumë se 60% kanë marrë shtetësi britanike, Turqia (32,800, pothuajse gjysma e fituar shtetësinë gjermane), Rumania (29,700, 44% kanë fituar shtetësinë italiane) dhe Ukraina (24,000, 60% kanë marrë shtetësinë e Gjermanisë, Rumanisë, Portugalisë ose Italisë).
Për lajm-shqip:
Klajdi Thaçi
09.04.2018
