Katër shqiptarë nga Kosova, tre prej të cilëve me nënshtetësi zvicerane dhe një me nënshtetësi kosovare po gjykohen nga Gjykata Penale e Olten Gösgen, në Zvicër.
Të ngjashme mund të lexoni:
• Raporti për martesat e detyruara në Zvicër, në listë renditet…
• Çudia në Zvicër: bllokojnë WC-të me kartëmonedha 500 Euro-she
Shtetasit shqiptarë nga Kosova akuzohen se i kanë vënë zjarrin qëllimisht dhe me marrëveshje një banese.
Zjarri i është vënë banesës së një shtetaseje kosovare me emrin e koduar “Rilinda O”.
Sipas Fondit të Sigurimit të banesave të Soloturnit, dëmi i shkaktuar nga djegia kishte qenë midis 50 dhe 100 mijë frangave.
Në procesin e filluar të enjten, synohet të zbulohet se kush ka qenë porositësi i zjarrvënies dhe kush e ka vënë zjarrin. Të katër të përmendurit akuzohen për të dyja. Veç kësaj dy nga burrat dhe gruaja dyshohen edhe për vepra të tjera si mashtrim. Akta dyshohen se kanë kryer tentime mashtrimi, shkelje të rregullave në komunitet dhe shkelje të ligjit mbi të huajt.
Rrjedha e ngjarjes sipas prokurorisë është dukur kështu:
Rilinda banonte në banesën të cilës “duhej” t’i vihej zjarri. Partneri i saj i atëhershëm, Indrit G.* bashkë me të njohurin tjetër Murat A.* po kërkonin dikë që do t’i vinte flakën shtëpisë. Personi që do të realizonte veprën do të paguhej 6.000 franga.
Gruaja më pas ka deklaruar se në banesën e djegur ka pasur stoli ari që vlenin 11.000 franga bashkë me 6.000 franga në letra me vlerë. Por ndërkohë ishte konstatuar se kjo nuk ishte e vërtetë. Për rrjedhojë sigurimi nuk ka paguar asgjë.
Ajo që ka bërë përshtypje gjatë gjykimit është se 3 nga 4 të akuzuarit përveç që nuk kanë pranuar veprën. Vetëm njëri prej tye ka reaguar, por edhe ai e ka hedhur poshtë akuzën. Sipas tij, ai, propozimin për zjarrvënie e kishte refuzuar.
Prokurori kërkon për Indritin 7, Muratin 4.5, Rilindën, 6 dhe për Besimin, 8 vjet heqje lirie. Në total shtetasit kosovarë akuzohen gjithsej për 25 vjet e 6 muaj heqje lirie. Nga ana tjetër, avokatët e tyre mbrojtës kanë kërkuar lirimin e tyre si të pafajshëm, për mungesë provash.
Vendimi gjyqësor do të shpallet pas dy javësh.
04.11.2017
Burimi: Albinfo
