Shqipëria ka votuar sërish kundër SHBA, këtë radhë për Kubën.
Lajmin e ka bërë të ditur ish-ministri i Jashtëm Tritan Shehu.
Shqipëria sërish kundër SHBA, reagon ish-ministri i Jashtëm
Në shënimin e tij në Fb, Shehu ngre pikëpyetjen: Përse?
“Përsëri votë kundër SHBA-së në Asamblenë e OKB-së nga përfaqësuesi shqiptar, duke votuar “pro” Rezolutës së paraqitur nga Kuba për heqjen e sanksioneve amerikane ndaj saj.
Ndërkaq paradoksalisht përfaqësuesi ynë “abstenon” për amendametet e paraqitura nga SHBA për këtë Rezolutë!
Në këto vitet e fundit ka një ndryshim të qëndrimit amerikan ndaj marëdhënieve me Kubën, ndaj të cilit ne nuk ka pse të kundërvihemi, pavarësisht se si veprojnë vende të tjera.
Në një diplomaci të mençur e jo “të detyruar” ka edhe mënyra të tjera votimi ose mosvotimi, për të shmangur ballafaqimin me aleatin tonë kryesor strategjik si shqiptarë.
Në fakt kjo tendence kundërvënie ndaj SHBA në OKB, jo vetëm aty, për çështje sigurie shumë larg interesave e influencave tona, për të cilat ne duhet të ndjekim atë vend në mënyrën më paradoksale e të gabuar është bërë një rutinë në qëndrimet tona në ato organizma.
Gjykoj se kështu ne dëmtojmë interesat tona kombëtare dhe gradualisht krijojmë “të çara” në marrëdhëniet me atë vend thelbësor për ne e paqen në botë, gjë që minimalisht rrezikon të zbehë përkrahjen e çmuar amerikane ndaj çështjeve tona madhore.”
Sara Mustafa
02.11.2018
Të ngjashme mund të lexoni:
- Berisha: Soros armik i demokracisë, ka kapur…
- Cështja Tahiri: Një dokument i ri ka ardhur nga Bari
- Përgjimi i ri/ Dako gënjeu, afrimitet me “Avdylajt”
