Shqipëria në ngërç ekonomik dhe demokratik të pajustifikueshëm!..U mbushën afërsisht tre dekada. Tre dekada pluralizëm politik dhe demokratik. Sistemi autokratik Hoxhian u përmbys.
Shqipëria në ngërç ekonomik dhe demokratik të pajustifikueshëm!..
Shqiptarët triumfuan atëherë me parrullën: ” E duam Shqipërinë si gjithë Europa”. Realisht erdhi liria e fjalës, lira e tregut!
Por unë dua të them se aspiratat shqiptare janë ende në sirtar. Shumë polarizim, shumë pabarazi sociale u shfaq. Shumë drejtësi e munguar për shumë gjëra hodhi rrënjë!
Ekonomia nuk shkelqeu për qytetarët dhe qytetarinë! Horrat politikë të zyrave dhe të rrugës më shumë përfituan! Partitë nuk instaluan demokraci të mirëfilltë ndër vedi! Për dekada partitë “zihen”, “grinden” ndajnë tepsinë pushtetore!
Revolta aktuale studentore është tregues i qartë. Eshtë tregues i qartë si përgjigje të asaj që ndryshe duhej Shqipëria!
Studentën në revoltë të zhgënjyer! Të zhgënjyer ekonomikisht dhe politikisht gjithashtu! Studentët kanë kërkesa ekonomike të munguara! Nëse ato nuk zgjidhen ata do kërkojnë ndryshime politike! Dhe nëse kështu ndodh më mirë do jetë! Studentët kërkojnë kushte ekonomike dhe pse të mos kërkojnë?..
Duke parë çka po ndodh unë them me shqetësim qytetar. Shqipëria është momentalisht në ngerç.
Eshtë në ngërç politik dhe demokratik!..Le të shpresojmë për zbutje dhe ndryshim realitetesh! Shqipëria është e gjitha e jona! E studentëve, e Edi Ramës dhe të gjithë politikanëve!
Por ama duhet thënë Shqipëria më shumë është e brezit të shpresës. Dhe brezi i shpresës për një Shqipëri me ekonomi e demokraci janë studentët! Ata duhen dëgjuar dhe vlerësuar!..
Vladimir Muçaj
13.12.2018
