Shqipëria përgjatë kësaj dekade ka pasur numrin më të ulët të çështjeve të hetuara për korrupsion. Kjo në raport me vendet e tjera të Ballkanit. Sipas një krahasimi që ka bërë Këshilli i Koordinimit Rajonal (RCC). Sipas të dhënave, Shqipëria hetoi për korrupsion vetëm 0.51 % të çështjeve gjatë vitit 2016. Teksa në vendet e tjera të Rajonit, numri i çështjeve të hetuara ishte shumë me i lartë. Në Bosnje në vitin 2016 rreth 14 % e investigimeve të prokurorisë ishin për korrupsion. Në Malin e Zi gjithashtu rastet e korrupsionit zunë 10.5 % të çështjeve të hetuara. Në Serbi 9.97% Madje edhe Kosova kishte çështje të hetuara për korrupsion gati sa dyfishi i Shqipërisë.
Shqipëria e heton më pak në rajon korrupsionin…
Ku rreth 1.1 % e hetimeve i dedikoheshin rasteve të korrupsionit. Lufta kundër korrupsionit është një ndër kushtet kryesore për integrimin në BE. Teksa studime dhe indekse të ndryshme e nxjerrin Shqipërinë ndër vendet me të korruptuara në Rajon. Një studim i ekonomistëve të BERZH, thotë se firmat në Ballkan humbasin 13.2% të shitjeve të tyre vjetore. Për shkak të katër pengesave në mjedisin e biznesit. Përkatësisht krimit, mungesës së energjisë elektrike dhe infrastrukturës së dobët. Shqipëria e ka këtë tregues 15%.
Dhe humbjet më të larta sipas grafikut të mëposhtëm i ka prania e krimit. Rrugët jo të mira dhe pagesat korruptive gjithashtu janë kosto për bizneset në Shqipëri. Për pasojë, produktiviteti i firmave në Ballkan është dukshëm më poshtë standardeve të BE-së. Duke reflektuar institucionet e dobëta dhe një mjedis të vështirë biznesi, konstatojnë ekonomistët.
Për lajm-shqip:
Jerola Ziaj
28.08.2018
