Shpiken xhinset që pastrojnë ajrin

Një kimist dhe një stiliste kanë krijuar pantallona xhins denim ambientaliste, të cilat janë në gjendje të pastrojnë emetimet e dëmshme nga ajri. Xhinset janë të përbëra me grimca dioksidi titani, që reagojnë me dritën dhe ajrin, duke neutralizuar oksidin e nitrogjenit, elementi ndotës i emetuar nga makinat dhe fabrikat. Produkti i parrezikshëm, nitrat i tretshëm në ujë, pastrohet me larje normale të pantallonave. Xhinset mund të ndihmojnë ta bëjnë planetin më të gjelbër. Rreth 1.3 milionë njerëz vdesin çdo vit në botë nga ajri i ndotur. Të gjitha llojet e veshjeve mund të përdoren si veshje katalitike, por xhinset konsiderohen mjeti më i mirë, sepse janë shumë të zakonshme. Çifti që ka shpikur këtë produkt janë profesor Toni Rajan, kimist në Universitetin e Shefilldit dhe Helen Storej, nga Kolegji Londinez i Modës. Storej dikur ka veshur yje si Madonna dhe Cher, por më pas iu duk shumë interesante ideja e ndërthurjes me shkencën dhe ka punuar që në vitin 2004 me profesor Rajan.
25.10.2012
Burimi: Gazeta Panorama