Eugent Bushpepa, përfaqësues i Shqipërisë këtë vit në Eurovision, u ngjit i treti për të realizuar provat e para, në skenën magjike të Lisbonës.
Pas shumë artisteve femra, Shqipërinë këtë herë po e përfaqëson sërish një këngëtar mashkull. Zëri i tij duket se është pëlqyer tepër nga fansat e Eurovision, të cilët e quajnë në komente Bushpepën zërin më të mirë mashkull të festivalit.
Disa prej tyre shkruajnë se presin që këngëtari të shkojë në finale, edhe pse konkurentët e natës së parë në të cilën do të konkurojë Bushpepa, duket se janë më të fortë se ata të natës së dytë.
Eugent Bushpepa shpërthen në provat e para në skenën e Eurovision
Në skenë këngëtarin e shoqërojnë dhe dy back-vokaliste femra, një kitarë bass, dy kitara elektrike dhe akustike si dhe një baterist.
Shqipëria do të performojë në gjysmëfinalen e parë të festivalit, më 8 maj.
Në videon e mëposhtme Bushpepa duket tepër i sigurtë në këngë dhe kap me saktësi nota tepër të larta.
Për lajm-shqip:
Klajdi Thaçi
30.04.2018
