Të gjithë punonjësit e bashkisë së Tiranës do të përfitojnë shpërblim për festat e fundvitit.
Edhe këtë fundvit do jepet një shpërblim për të gjithë punonjësit tanë të Bashkisë së Tiranës, sidomos ata të emergjencave.
Lajmi është bërë i ditur nga vetë kryetari i bashkisë Erion Veliaj, në 5-vjetorin e themelimit të ERA(Emergency Response Albania).
Edhe këtë fundvit do të japim një shpërblim për të gjithë punonjësit tanë të Bashkisë së Tiranës, sidomos ata të emergjencave.
Jo se paratë bëjnë diferencën, por për të treguar se për ne sakrifica njerëzore është po aq e dobishme, në mos më e dobishme se sa infrastruktura.
Një muaj më parë, të gjithë punonjësit e sektorit të shërbimit zjarrfikës, përfituan rritje page dhe shpërblim për mirëmenaxhimin e situatës së zjarreve gjatë verës.
Ndërkaq, Tirana do të ketë një sallë të re operative të shërbimit të emergjencave dhe një autoambulancë me pajisje të teknologjisë së fundit.
E cila do vijë në mbështetje të sistemit dhe shërbimit të urgjencës mjekësore, raporton top-channel.tv.
Kryebashkiaku Veliaj falënderoi të gjithë ata që kanë kontribuar për përmirësimin e shërbimit.
Ai vlerësoi kontributin e punonjësve të zjarrfikësve dhe të punonjësve të emergjencave.
Më vjen mirë që Fondacioni Zviceran për Inovacionin ka qenë një bekim për ne, për qytetin tonë dhe komunitetin.
Veliaj i cilësi punonjësit e shërbimit zjarrfikës dhe të urgjencave si heronjtë e heshtur të qytetit.
Respekt për ata që shërbejnë, një pakicë e shoqërisë që del nga rehatia e vet për të sakrifikuar për të tjerët.
Unë besoj që kemi nevojë për këtë kulturë në kombin tonë.
Është shtuar respekti për uniformën e policisë, për punën e zjarrfikësit, për bluzën e bardhë të mjekut.Por ende nuk jemi aty ku duhet.
Shpeshherë lejojmë që raste individuale, të veçuara, të karakterizojnë një trup të tërë njerëzish të përkushtuar.
Mbaj mend episodin e fundit kur ra zjarr në Bibliotekën Kombëtare.
Unë kisha parë njerëz që të sakrifikonin për njerëz të tjerë, por që njerëz që të sakrifikonin për libra ishte e paprecedentë.
Aty kuptojmë në fakt që Shqipëria është e mbushur me heronjtë e heshtur.
www.lajm-shqip.com
