Një ngjarje e rëndë ka ndodhur mbrëmjen e djeshme, ku një burrë 42 vjeçar ka qëlluar me armë ndaj bashkëshortes dhe tre fëmijëve të tyre të vegjël, të cilët ishin të moshave 3 deri në 6 vjeç. Autori i krimit quhet Mattheë Edëards, i cili ka vrarë bashkëshorten e tij Julie Burton Edwards, 41 vjeçe dhe fëmijët e tyre, Jacob, 6 vjeç, Brinley 4 vjeç dhe Paxton, 3 vjeç, të cilët u gjetën të vdekur në shtëpinë e tyre në Wilmington.
Shokuese, babai vret me armë bashkëshorten, tre fëmijët e tij dhe veten …
Ai njihej si një person shumë i qetë në familje, por kohët e fundit ai kishte pësuar një tendosje në martesë. Ai është ndjerë i penduar për vrasjet makabre të bshkëshortes dhe tre vogëlushëve, prandaj ai vrau edhe veten.
Lajmi i ka tronditur të gjithë njerëzit të cilët kishin njohje me ta. Të gjithë i kanë përshkruar si një familje harmonike dhe se kurrë nuk ua ka pritur mendja se diçka e tillë mund të ndodhte një ditë.
Pasi ka kryer këtë veprim makabër, Matthew ka qëlluar edhe veten e tij. Ndërkaq, policia është lajmëruar pas orës 20:00, ku fqinjët kanë deklaruar se ka qenë një djalë adoleshent që kishte gjetur trupat e pajetë lartë në shtëpinë dykatëshe.
I njëjti fqinj tregoi se Edwards kishte qenë emocional rreth problemeve bashkëshortore dhe kishte humbur punën. Ai u shpreh e se kishte parë familjen duke luajtur jashtë shtëpisë së tyre vetëm një ditë më parë.
“Jemi të shokuar sepse i njihnim personalisht, fëmijët tanë luanin së bashku, flisnim gjatë gjithë kohës. Unë nuk e di se çfarë ka ndodhur brenda, por e pashë duke luajtur jashtë me fëmijët e tij para se të ndodhte ngjarja”, është shprehur ai.
Për Lajm-shqip
Jorida Fataj
