Policia e Uellsit dhe ajo angleze, në bashkëpunim me autoritetet e emigracionit, kanë arrestuar gjatë një operacioni pjesëtarë të dyshuar të një rrjeti të organizuar kriminal. Grupi merrej me trafikimin e qenieve njerëzore në Britani.
Arrestimet janë bërë në qytetin Newport të Uellsit. Janë arrestuar një 32-vjeçar shqiptar dhe një grua 66-vjeçare. Ndërkohë që një bashkëpunëtor i tyre 27-vjeçar është arrestuar në jug të Londrës, raportojnë mediat britanike.
Sipas BBC, ky rrjet ka sjell në Britani 115 emigrantë shqiptar dhe tre turq të fshehur nëpër karavanë të marr me qira.
Rrjeti ka rekrutuar korrierë dhe shoferë për transportimin e emigrantëve ilegal. Ata i sillnin emigrantët kryesisht nga Franca.
Gjatë periudhës mars dhe nëntor të këtij vitit, ka pasur 13 tentativa trafikimi që janë eliminuar nga autoritet e emigracionit. Kjo është deklaruar nga David Fairclough. Ai është ndihmësdrejtor i Departamentit të Hetimit Kriminal dhe Financiar të Emigracionit,
Shumica e emigrantëve të sjellë në Britani kanë qenë të moshës 22 deri në 35-vjeçare. Mes tyre ka pasur edhe gra dhe fëmijë të trafikuar.
Ky operacion i koduar “Telire”, duket se është bashkëpunim i autoriteteve britanike dhe franceze. Mësohet se tre tentativa trafikimi janë penguar në Francë.
Sipas zyrtarit të lartë të Home Office, emigrantët paguanin nga 10 mijë sterlina për të ardhur në Britani.
Burimi: Syri.net
17.11.2017
