Shkarkohet Sokol Balla! Furtunë në Top Channel…
Nuk ndalen lëvizjet në Top Channel, televizioni më i madh në vend.
Sokol Balla, nuk do të jetë më drejtori i informacionit në Top Channel. Për momentin nuk është ende e qartë se çfarë ka ndodhur me Ballën.
Ndërsa mësohet se në vend të tij është emëruar si drejtor informacioni Endri Xhafo. Xhafo u rikthye në Top Channel pak kohë më parë pas një eksperience në Abc News.
Të ngjashme mund të lexoni:
Konflikti mes Edi Ramës dhe Top Channel ka prodhur efektin e parë, jo brenda qeverisë, por brenda televizionit. Burime bëjnë me dije se pronarja e Top Channel ka vendosur shkarkimin nga detyra e drejtorit të informacionit, Sokol Ballën.
Shkarkim nga posti i drejtorit, por jo largim total nga Top Channel. Thënë kjo, Balla raportohet se po përgatitet për puntatën e rradhës së emisionit Top Story që është këtë të enjte.
Të njëjta burime i thanë se provizorisht në vend të Sokol Ballës është komanduar drejtori aktual i prodhimit, Endri Xhafo. Ky i fundit u largua dy muaj më parë nga ABC News. Ai shkoi në Top Channel me kërkesë të “mentorit” të tij personal Sokol Balla.
Dhe sot, me shumë gjasë ka realizuar edhe ëndrrën e tij për ti zënë vendin “Kolit”. Kjo sa i takon zhvillimeve që kanë përfshirë sot Top Channel.
Por sa e vërtetë është lëvizja e Sokol Ballës nga pozicioni i drejtorit të informacionit.
Kjo është hera e dytë që Balla largohet nga drejtimi i lajmeve të Top Channel.
Edhe në vitin 2008, bordi drejtues i televizionit kombëtar, mori vendimin që ta largonte Ballën nga drejtimi i lajmeve pas acarimit të tejskajshëm të situatës mes Top-it dhe qeverisë së atëhershme.
Me rikthimin në krye të menaxhimit të Top-it, të Vjollca Hoxhës vendimi i parë i saj ishte rikthimi në krye të drejtimit të lajmeve të Sokol Ballës deri ditën kur në Tiranë mbërriti eurokomisioneri Johanes Hahn.
Edi Rama bëri të pamenduarën.
Në një postim në Facebook ai sulmoi drejtpërdrejtë televizionin Top Channel për kronike më titull “Hahni dhe kazani? Edhe njëherë konflikti me Top-it dhe qeverisë kishte arritur kulmin dhe kësaj here jo administratat e mëparshme, por vetë presidentja Vjollca Hoxha u detyrua të ndërmarrë masa për të qetësuar situatën.
Prej gati një javë drejtuesit e Top Channel po zhvillojnë dy lloje negociatash, e para me Edi Ramën që të mos i heqë përfundimisht vizën, dhe e dyta atë për emrin e drejtorit të ri. Burimet thonë se nuk do të jetë më as Endri Xhafo dhe as Sokol Balla. Le të shohim…
Burimi: Syri.net
