Një fenomen i çuditshëm ka habitur banorët e një qyteti të vogël në Brazil, teksa kanë parë se nga qielli binte një ‘shi i dendur’ merimangash të vogla.
Pamja e rrallë është kapur përmes një videoje amatore në Santo Antonio da Platina, një qytet rreth 250 milje në perëndim të Sao Paulo.
Videoja është realizuar nga një 20 vjeçar, i cili rastësisht ndodhej natën jashtë, kur ka vënë re pamjen e pazakontë dhe ka vendosur ta filmojë. Përmes videos me pamje të zmadhuara që shihni më poshtë vihet re se si një koloni e vërtetë merimangash të vogla qëndrojnë pezull në qiell, pasi mesa duket kanë krijuar një rrjet gjigante.
Biologët e kanë shpjeguar këtë si një fenomen natyror normal, pasi specia e merimangave në fjalë përcaktohen si jo të rrezikshme, që qëndrojnë zakonisht nëpër pemë ku krijojnë rrjeta të mëdha për të kapur insekte të tjera, ndërsa shfaqen zakonisht natën
21.02.2013
Burimi: Gazeta Shqip
