Sheshi “Skënderbej” u shpall fitues i Çmimit Evropian për Hapësirën Publike Urbane 2018 mes 279 projekteve nga 32 vende të ndryshme europiane.
Çmimet u ndanë në datën 20 qershor, ku sigurisht kryebashkiaku Veliaj nuk mund të mungonte për marrjen e çmimit.
Sheshi ‘Skënderbej’ e mori vërtet çmimin europian, por punimet ende skanë të sosur …
Pas vlerësimeve që mori në bienalen e Çikagos një vit më parë, sheshi “Skënderbej” ka marrë çmimin prestigjioz Evropian për Hapësirën Publike Urbane 2018. Çmimi u akordua nga Qendra e Kulturës Bashkëkohore të Barcelonës dhe gjashtë institucionet evropiane më të rëndësishme të arkitekturës dhe dizajnit në Europë. Vlerësimi u bë nga një juri e njohur ndërkombëtare e kryesuar nga arkitektja Olga Tarraso.
Sheshi “Skënderbej” u përzgjodh mes 279 projekteve nga 32 vende të ndryshme europiane. Ndërsa më parë ishte zgjedhur mes 25 projekteve finaliste. Çmimin e tërhoqi kryetari i Bashkisë së Tiranës, Erion Veliaj, si dhe përfaqësues të studios projektuese 51N4E.
Çmimin Evropian për hapësirë publik urban është një konkurs dyvjeçar organizuar nga Qendra e Kulturës Bashkëkohore të Barcelonës (ÇCB) dhe gjashtë institucionet evropiane me qëllim për të njohur dhe për të inkurajuar projektet e rimëkëmbjes he mbrojtjen e hapësirës publike në qytetet tona.
Sheshi ‘Skënderbej’ e mori vërtet çmimin europian, por punimet ende skanë të sosur …
Por edhe pse mori çmimin Europian për Hapësirën Publike Urbane, punimet mesa duket ende nuk mund të quhen të përfunduara.
Por, a mund të merret çmim për diçka që ende nuk ka përfunduar si projekt?
Mesa duket ky nuk është një problem, punimet mund të vazhdojnë edhe 2 muaj pas marrjes së çmimit dhe sërisht trofeu të ngjitet lart kokave të shqiptarëve.
Tenderi me vlerë 527 milionë lekë (3.8 milionë euro) për “rikualifikimin urban të Sheshit Skënderbej” u fitua nga kompania e vetme konkurruese, Fusha Sh.P.K, ndërsa nisja e punimeve shkaktoi avari në trafik për një kohë shumë të gjatë. Edhe sot që projekti është quajtur i përfunduar, trafiku i Tiranës, vazhdon të mbetet po i njëjti për të mos thënë më keq akoma.
Për Lajm-shqip
Jorida Fataj
