Sherr në orkestrën e Radiotelevizionit Shqiptar. Njarja e rëndë ka ndodhur në datën 26 Dhjetor, në ambientet e RTSH.
Rreth orës 11 ka pasur një përplasje fizike mes Drejtorit të Orkestrës në RTSH Sokol Toto dhe orkestrantit Briken Burgija.
Sherr në orkestrën e Radiotelevizionit Shqiptar
Ngjarja ka ndodhur dhe në prani të disa dëshmitarëve dhe drejtorit të RTSH-së, Thoma Gëllçi.
Sipas informacioneve drejtori i orkestrës ka ushtruar dhunë mbi muzikantin Burgjia dhe pas kësaj, ai është pezulluar nga puna.
Burimet bëjnë të ditur se Drejtori i Përgjithshëm i RTSH, Thoma Gëllçi ka reaguar duke pezulluar drejtorin e orkestrës.
Në lidhje me këtë ngjarje “Panorama” kontaktoi me orkestrantin Briken Burgija, i cili tha se ngjarja është e vërtet.
Reagimi i plotë i Briken Burgija:
“Ngjarja është më se e vërtetë. Unë kam kërkuar leje si të gjithë dhe aty ka nisur një debat mes njëri-tjetrin, duke kaluar deri në dhunë fizike. Drejtori më ka goditur me kokë në hundë, brenda ambienteve të RTSH. Është natyrë që konfliktohet, me të gjithë, ka pasur gjithmonë probleme”.
03.01.2018
