Në Bashkinë Selenicë, qytetarët kanë të njëjtat probleme, ashtu si banorët në shumicën e bashkive në vend. Ajo që bie në sy është nevoja e këtij komuniteti për shërbime dhe cilësi më të mirë jete. lnfrastruktura rrugore mbetet thembra e Akilit, sipas qytetarëve të Selenicës. Gjendja e rrugëve nuk është e mirë, pasi përgjithësisht ato janë të vjetra. Në ndërhyrjet që janë bërë, nuk janë respektuar distancat e rrugës nga ndërtesat. Qyteti ka pak trotuare të cilat janë të ngushta. Për sa i përket sinjalistikës rrugore ajo thuajse mungon totalisht.
Përballë këtij argumenti Bashkia e Selenicës, konsideron si arsye themelore të mosrealizimeve të prioriteteve të qytetarëve, mungesën e fondeve. Rrugët për ndërhyrje janë përcaktuar bazuar në nevojat prioritare. Ndërsa janë rreth 400 km rrugë informale të cilat bashkia i trajton vetëm me mirëmbajtje. Problematika është edhe më e thelluar sa i përket furnizimit me ujë të pijshëm. Aktualisht, banorët furnizohen vetëm një orë në ditë me ujë. Cilësia e të cilit nuk është e përshtatshmë për tu konsumuar.
Uji nuk i është nënshtruar asnjëherë analizave fiziko-kimike apo të ngarkesës mikrobike, pavarësisht detyrimit ligjor të Drejtorisë së Shëndëtit Publik dhe Bashkisë për të kontrolluar cilësinë e ujit, kryesisht në të gjitha pikat fundore minimalisht çdo ditë.
Selenica/ Qyteza ku varfëria është ulur këmbëkryq….
Sakaq, pa infratsrukturë, ujë , kanale vaditëse dhe energji elektrike, në Seleincë varfëria duket se është ulur këmbëkryq. Të ardhurat e pakta sigurohen kryesisht nga të rinjtë, të cilët migrojnë ose emigrojnë gjatë muajve të verës. Kjo pasi mundësitë për tu punësuar në zonë janë të pakta. Në rafinerinë e Naftës emerimet bëhen nga Vlora. Aty, asnjë prej të punësuarve nuk është i zonës. Ndërsa në minierën e Bitumit ka vetëm 15 të punësuar.
Për gratë e moshës së mesme dhe të rinjtë mundësitë e punësimit janë përherë e më të vogla. Por, Bashkia ka një plan Operacional të zhvillimit Lokal afatmesëm, (3 vjeçar) , për të cilin banorët e zonës nuk janë të informuar.
Informacioni bazik mungon për ekzistencën e këtij plani nga qytetarët, të cilët nuk kanë dijeni për lehtësira fiskale, nxitjen e biznesit dhe sipërmarjes private etj. Duke thelluar kështu ndjëshëm hendekun nga ¨letrat¨ në terren.
Aktulisht, Bashkia e Selenicës nuk ka një strategji të vetën, një plan veprimi apo masash, ku prioritet e banorëve të Selenicës dhe njësive administrative të saj, të gjejnë zgjidhje, kryesisht për problemet bazike apo ato që mund të trajtohen si prioritare për tu zgjidhur.
Vendimarrjet janë kaotike dhe të ndryshueshme sipas emergjencave momentale. Shërbimet që ofrohen janë shumë të pakta krahasuar me taksat që paguhen. Aq më tëpër që zona paguan taksa në masën më të madhe. Në këtë bashki, qytetaret përballen çdo ditë me vështirësi të mëdha, të cilat i përballin ata me sfidat e mbijetesës.
Për Lajm-shqip
Jerola Ziaj
