Seanca e pazakontë në Parlamentin shqiptar bëri bujë vitin e kaluar…

Arta Marku: Betohem.

Ky i fundit i Arta Markut ishte ndër më të pazakontët në Parlamentin shqiptar. Nga Prokuroria e Shkodrës,  znj. Marku erdhi në Tiranë Kryeprokurore e Përkohshme, megjithë protestën e organizuar nga opozita brenda dhe jashtë Parlamentit për të ndaluar votimin. Demokratët hynë në sallën e Parlamentit me një vendim të prerë.

Basha: Ky është çasti i fundit ku në emër të Kushtetutës i’u kërkoj të tërhiqeni. Kushtetuta është arsyeja përse ekziston ky Parlament dhe jo anasjelltas. Ky është urdhëri i popullit. Bindjuni atij ose përndryshe përballuni me pasojat.

Garda e Republikës ndaloi ish kryeministrin Berisha të dalë tek foltorja. U shënua ndërprerja e parë e seancës.

Ruçi: Pushim , pushim, pushim.

Rikthimi në Parlament e gjeti Berishën në foltore.

 Seanca e pazakontë në Parlamentin shqiptar bëri bujë vitin e kaluar

Berisha: Një deputeti i jepet fjala. Një fundërrinë që don sot (një vit më parë) të bëhet Kryeprokuror, fut gardën në një akt të pashembullt për të ndërprerë të drejtën e fjalës, të cilën e mora në përputhje të plotë me proçedurën.

Seanca u ndërpre disa herë, momente këto kur deputetët e opozitës mbajnë lart frymën e protestës së thirrur para parlamentit. Situata e bllokimit përsëritet me Lulzim Bashën i cili në mënyrë të përseritur kërkoi tërheqjen nga  zgjedhja e Kryeprokurorit të Përkohshëm.

Ruçi: Hidhet në votim propozimi. Kush është dakort?

Ndërsa kryetari i Parlamentit  ndjek procedurën, kryeministri Rama nuk merr fjalen për asnjë moment. Qëndrimet publike i mbajtën Taulant Balla, kryetar i grupit socialist dhe Ulsi Manja kreu i komisionit të ligjeve.

Manja: Kjo opozitë dhe Sali Berisha nuk kanë më mundësinë të zgjedhin Prokurorin e ri të Përgjithshëm qoftë edhe të Përkohshëm.

Kryemadhi: Prokurori i përgjithshëm Ulsi, nuk zgjidhet me trafikantë dhe kriminelë të cilët kane zënë karriget me paratë e drogës.

Monika Kryemadhi ishte ajo që i dha zjarr protestës. Krahas saj edhe  e reja e LSI Floida Kërpaçi.

Kërpaçi: Më kanë tërhequr zvarrë mua dhe mijëra qytetarë.

Deputetët e opozitës arritën të hedhin tymuese jo vetëm në oborr por edhe në sallën e seancës plenare. Kryemadhi ishte agresive në sallë deri tek hedhja e kepucës në drejtim të Kryeministrit apo përpjekja për të bllokuar votimin duke rrëmbyer kartat e deputetëve socialistë. Socialistët vepruan , edhe djathtas për të kompensuar kartat e humbura, duke arritur ta votojnë Kryeprokuroren me 69 vota

Ruçi: Mbyllet votimi. 69 vota pro, 2 kundër dhe 2 abstenim.