Zbulohet se sa është sasia e drogës së kapur në gomone.
Një ditë më parë policia kapi një gomone 8 metra të gjatë me dy motorra të fuqishëm.
Gomonia është kapur disa milje larg brigjeve shqiptare përballë lumit Vjosë.
Sasia e drogës së kapur në gomone është rreth 1.7 ton.
Mjeti ujor po ruhej prej kohësh ndërkohë që strukturat e angazhuara kanë qenë kufitarja Shqiptare, Delta Forcë dhe Guardia di Finanza.
Në mjet u gjet sasi e madhe droge e cila pas peshimit rezultoi 1.7 ton.
Policia nuk ka dhënë informacione për persona mbi gomone por dyshohet se u gjet e braktisur.
Kanë vijuar kërkime në det për disa orë pasi dyshohej për një mjet të dytë që ka marrë skafistët. Dyshohet se gomonia ka pësuar avari.
Për Lajm-Shqip
Enrik Mehmeti
