Vetëm një ditë pas miratimit në Kuvend, ministri i ri i Brendshëm Sandër Lleshaj është betuar në Presidencë.
Gjatë ceremonisë Lleshaj është betuar para Kushtetutës si dhe ka firmosur.
Nuk kanë munguar fotogratitë dhe shtrëngimi i duarve me Kreun e Shtetit Ilir Meta gjatë ceremonisë.
Ky është takimi i parë publik i Metës me Lleshajn.
Sandër Lleshaj merr drejtimin e Ministrisë së Brendshme, betohet pranë Presidentit
Ish gjenerali më herët kishte refuzuar takimin me Presidentin, teksa ky i fundit ishte angazhuar të krijonte bindjen e plotë për dekretimin e tij.
Meta e refuzoi një herë dekretimin e Lleshit me arsyen se kishte shkelje të Kushtetutës, periudhë gjatë së cilës Lleshaj u emërua zëvendësministër i Brendshëm.
Në javën e dytë Meta e dekretoi Lleshajn, menjëherë pasi dekretoi edhe lirimin e tij nga detyra si ushtarak.
Lleshaj zëvendëson në postin e Ministrit të Brendshëm Fatmir Xhafajn, i dorëhequr nga ky post për arsye personale.
Sara Mustafa
23.11.2018
