Sandër Lleshaj, kërkon ndryshim radikal të kontrollit të qarkullimit rrugor.Ministri i Brendshëm Sandër Lleshaj, kërkon ndryshim radikal të kontrollit të qarkullimit rrugor.
Sandër Lleshaj, kërkon ndryshim radikal të kontrollit të qarkullimit rrugor
Përmes një shkrese drejtuar drejtorit të Përgjithshëm të Policisë së Shtetit, Ardi Veliu, ministri kërkon ndalimin e praktikës së ashtuquajtur ‘postoblloqe policore’.
Gjithashtu dhe heqjen e praktikës së dublimit të semaforëve me punonjës policie, në kryqëzimet e rrugëve urbane.
Ministri kërkon ndërhyrje për ndryshimin e menjëhershëm të situatës. Kështu thekson se prania e policisë në numër të tepruar dhe statike, nuk sjell ndonjë vlerë të shtuar në rritjen e parametrave të sigurisë rrugore.
Prania e postblloqeve policore sipas tij, u jep rrugëve një pamje jo normale, të ndryshme nga ato të vendeve europiane .
Kjo gjë krijon përshtypjen e gabuar të një policie shumë të madhe. Raportet e numrit të policëve për frymë në vendin tonë janë më të ulëtat në rajon.
Kjo do të realizohet përmes organizmit të një sistemi të mirëfilltë patrullimi të kombinuar me mjete policie të shenjuara, punonjës policie në uniformë e mjete civile, e punonjës pa uniformë.
Masa e dytë, ku kërkohet ndryshimi i shpejtë i situatës është shmangia në maksimum e punonjësve të Policisë Rrugore, që dublojnë semaforët.
Ndër masat e tjera që do të nisin zbatimin shpejt, është projekti për dërgimin e gjobave nëpërmjet postës. Këto gjoba do të dërgohen në adresë të shoferëve shkelës.
Reduktimi i policisë në akset rrugore të vendit do të shfrytëzohet si mundësi që punonjësit të përfshihen në programe trajnimi.
Policia e Shtetit do të aplikojë një plan ambicioz në fushën e qarkullimit rrugor. Ky plan nis me përdorimin e tabletave dhe vijon më tej me futjen e teknologjisë bashkëkohore.
Arela Male
14.12.2018
