Në Samitin e Davos-it në Zvicër pritet një takim thelbësor me përmbajtje të rëndësishme dhe terma konkrete mes dy kryeministrave Rama-Tsipras.
Lajmi është bërë i ditur nga ministri i jashtëm grek, Nikos Kotzias, gjatë deklaratave për shtypin në Bruksel.
Kotzias tha se në takimin e tyre ata do të çertifikojnë rezultatet e bisedimeve Bushati-Kotzias në Korçë.
Takim që sipas Kotziasit të dy palët u dakordësuan për mosmarrëveshje dhe probleme të 70 viteve të fundit.
Në Samitin e Davos-it pritet takim thelbësor i kryeministrave Rama-Tsipras
Ministri i jashtëm grek tha se ka informuar edhe homologët e tij të BE-së në Bruksel, mbi bisedimet me ministrin Bushati në Korçë
Duket se në marrëdhëniet mes dy palëve ka nisur një stinë e ngohtë dhe optimiste.
Mëngjesin e të hënës, ministria e jashtme greke përshëndeti fillimin e punimeve për zhvarrimin e ushtarëve grekë të rënë në Shqipëri.
Nga Brukseli, ministri i jashtëm Kotzias deklaron: “Qeveria shqiptare kishte kurajën që të miratojë dy ligje zbatuese për marrëveshjen që ishte nënshkruar në vitin 2009”.
“Vlerësoj jashtëzakonisht faktin se qeveria shqiptare avancon me hapa të guximshëm në realizimin e marrëveshjeve.
Ashtu siç është e obliguar të veprojë edhe pala greke”, tha Kotzias.
Engjëll Serjani
24.01.2018
