Salah është shprehur se gjithmonë ka dashur të kthehet në Premier Ligë për t’i treguar drejtuesve të Chelsea-t se gabuan me të duke mos i dhënë shansin që të tregojë cilësitë e tij.
Lojtari egjiptian, Mohamed Salah fitoi çmimin e lojtarit më të mirë për sezonin 2017/18 në Premier League.
Salah u kthye në Premier Ligë për t’u hakmarrë ndaj ekipit të Chelsea-t, për shkak se nuk e lejuan të tregojë aftësitë e tij.
Në sezonin debutues me Liverpool lojtari ka shënuar 41 gola. Pas marrjes së çmimit, Salah përmendi sërish Chelsean që nuk besuan tek 25 vjeçari në sezonin 2013/14.
“Që nga dita e parë që u largova nga Premier League, kthimi këtu ka qenë në mendjen time”
Më tej ai shtoi:
“Jam shumë i lumtur për çmimin dhe për shokët e skuadrës dhe për atë që po bëjmë në Champions League”.
“Mendoj se jam rikthyer si një tjetër person, njeri e lojtar. Siç kam thënë, nuk kisha shanse te Chelsea”.
Për lajm-shqip:
Klajdi Thaçi
