Ministri i Brendshëm, Sandër Lleshaj e ka nisur këtë viti me lëvizje në kupolën drejtuese të Policisë së Shtetit. Sipas njoftimit të Ministrisë së Brendshme, Lleshaj ka firmosur dy urdhëra për zëvendësime.
Sipas urdhrit te Lleshajt, “Drejtues i Lartë, Tonin Vocaj emërohet Drejtor i Departamentit të Policisë Kriminale në Policinë e Shtetit dhe Drejtues i Lartë dhe Eduart Merkaj emërohet Drejtor i Departamentit për Kufirin dhe Migracionin në Policinë e Shtetit”.
Ajo që bie në sy, në këto lëvizje, është se në kupolën e Policisë së Shtetit, ëhstë rikthyer njëri nga drejtuesit, e shkarkuar më herët nga ish-ministri Saimir Tahiri. Bëhet fjalë për zyrtarin e lartë policor, Tonin Vocaj.
Deri në vitin 2014, Vocaj mbante postin e Drejtorit të Policisë Kriminale në Policinë e Shtetit.
Por, ai u largua nga ajo detyrë nga Drejtori i Përgjithshëm i Policisë, në atë kohë Artan Didi, sigurisht me aprovimin e Ministrt të Brendshëm që po në atë kohë ishte Saimir Tahiri.
Etleva Skonja
04.01.2019
