Sabri Fejzullahu dhe bashkëshortja e tij, Nera, ishin të ftuar ditën e sotme në emisionin ‘Rudina’. Ata kanë folur shumë mbi jetën e tyre.
Sabriu ka treguar dhe takimin e parë me Nerën.
Mesa duket dashuria e tyre ka qenë dashuri me shikim të parë. “Do bëja videoklipin e këngës ‘Mos mendo se jam i lumtur’. Në ambientet e Fakultetit Filozofik takova Nerushen time. Ajo po shihte xhirimet e klipit së bashku me njerëz të tjerë. Kur e pashë i thashë ‘Ti do të bëhesh gruaja ime’ “, ka treguar Sabri Fejzullahu.
Gjithashtu ai ka thënë se Nera këndonte jashtëzakonisht bukur. Për këtë arsye nuk e kishte lejuar të vazhdonte profesionin si këngëtare. Sepse kishte frikë mos ja merrte dikush. “Isha shumë i dashuruar dhe nga frika mos ma merrte dikush Nerën ‘i vrava dashurinë!’ ”, ka treguar këngëtari duke qeshur.
31.01.2018
