Sa real është ‘eksodi’ i LSI-së drejt PS-së dhe cili është efekti. Lajmet për eksodet e këshilltarëve të LSI-së janë bërë thuajse të përditshme.
Duket si me telekomandë në media qarkullojnë njoftime prej zyrës së PS-së.
Mbi afrimin pranë mazhorancës të zakonisht 2 apo 3 këshilltarëve të LSI-së në bashkitë e vendit.
Në muajin e parë të vjeshtës nisi në Tiranë dhe tani po zhvendoset kudo: në veri dhe jug të vendit.
Po ç’përfaqëson kjo lëvizje? Po pëson hemorragji LSI-ja pas daljes në opozitë?
I kanë blerë kryebashkiakët e PS-së pas manovrave për bashkim votash me PD-në dhe për të bllokuar buxhetet?
Apo është një shkelje syri e Monika Kryemadhit, për të cilën flitet se ka bërë pakt me Ramën.
Për një bashkëpunim të butë në zgjedhjet lokale të 2019-s.
Ndërsa të tjerë thonë se LSI-ja po rrit pazarin për të marrë një marrëveshje për 2019-n tani nga Lulzim Basha.
Pra një ndarje e bashkive për LSI-në.
Nuk kishte asnjë dyshim që pas kalimit në opozitë të LSI-së do të kishte një rrjedhje të konsiderueshme.
Në vitin 2011 për zgjedhjet lokale, kryesisht në Tiranë, në radhët e LSI-së hynë një grup mjaft i madh socialistësh.
Ndërkohë në 2013-n Partia Demokratike pati eksodin më të madh drejt LSI-së, i cili u zgjerua në vitin 2015.
Seksione të tëra të PD-së kaluan nga LSI kun ë Tiranë më të njohurat u bënë ato të bastioneve të saj.
Me këto vota Ilir Meta arriti të krijojë atë marrëdhënien e veçantë me Erion Veliajn.
Që e ktheu atë në më të preferuarin e LSI-së.
Pra LSI është një forcë që lëviz tek një grup interesi i cili është i ftohtë, pragmatik dhe është i aftë të parashikojë lëvizjet tektonike.
Ky grup interesi është shumë i fuqishëm dhe ende mbijeton sot edhe pas shkarkimeve të mëdha nga PS.
Realisht, ikja e këshilltarëve aktualë nuk i prish gjë LSI-së.
Por vetëm përforcon zërat se njerëzit që grumbullon LSI janë me nuhatje të paparë pushteti.
Nëse do të ketë gjasa që PD-ja me LSI-në mund të rrëzonin socialistët.
Në lokale apo zgjedhjet e përgjithshnme, këta këshilltarë nuk do ta kishin gjë që të riktheheshin sërish në LSI.
Manovra e PS-së, që duket se është e dirigjuar nga Taulant Balla, nuk ka për të pasur ndonjë efekt real.
Madje mund të forcojë lidershipin e Kryemadhit, e cila ka gjasa të mbledhë njerëzit e rrëzuar dhe të pakënaqur.
Për Lajm-shqip
Ylli Pata
