Rusia kërcënon BE: Do t’ju mbushim me refugjatë …
Rusia pranon më në fund se është përdorur gazi kimik në sulmet e një jave më parë në Douma, por akuzon shërbimet perëndimore se e kanë hedhur gazin.
Deri më sot Moska e kishte mohuar përdorimin e lëndëve kimike. Madje tha se kjo ka dalë edhe nga një hetim i ushtarakëve rusë.
Rusia ka dërguar forca shtesë në portin “Tartarus” në Siri. Ajo paralajmëroi se sulmet ajrore amerikane rrezikojnë të nisin një luftë më të gjerë.
Sekretari i Përgjithshëm i Kombeve të Bashkuara ka theksuar ndërkohë se Lindja e Mesme është në “kaos” dhe se Lufta e Ftohtë “po rikthehet me forma hakmarrjeje”.
Antonio Guterres foli gjatë një takimi special të Këshillit të Sigurimit të OKB-së, të thirrur pikërisht nga Rusia.
Në një tjetër takim, inspektorë të pavarur të armëve kimike priten të mbërrijnë në Siri, pikërisht në zonën ku dyshohet të jetë kryer sulmi me armë kimike.
Shefi i diplomacisë ruse Lavrov tha se kishte “prova të parefuzueshme” se sulmi është ndërmarrë si pjesë e “fushatës rusofobike”, udhëhequr prej vetëm një shteti, emrin e të cilit gjithsesi nuk e përmendi.
Lavrov ka përdorur një armë të tmerrshme që Europa e ka shumë frikë: emigrantët.
Ministri i jashtëm rus tha se nëse do të ketë luftë frontale në Siri, një valë edhe më e madhe se ajo e vitit 2015 do të drejtohet në kontinentin e vjetër.
Rusia kërcënon BE: Do t’ju mbushim me refugjatë …
Për lajm-shqip:
Ylli Pata
